Kennsdas?
Kennsd die rosarotn Wolkal
die da obn tanzn Polka,
mit 'm Wind um'd Wettn hupfn,
dir dei Hirn und d'Seele lupfn?
Kennsd des Gfuih, wennsd di so frei fühlst,
dass'd glei goanix andas duan willst
als nua juchaz'n und springa,
Lacha in die Welt neibringa?
Kennsdas, wennsd auf oamoi schdad wirst,
wennsd an Blick tief in di' neiwirfst,
wieasdas richtig spürst, dass'd lebst,
ja, grad moanst, dass'd glei abhebst
- und mittn in die Wolkal ... einischwebst ??
Kennsdas?
*
Commentaire 0
Supprimer le commentaire
Effacer commentaire et réponses